صفحة تجميع التوقيعات من أجل حقوق الإنسان المصري الصفحة على الفيسبوك http://j.mp/gdgKs4 مجموع عدد الموقعين http://j.mp/fjckYw لقد عانينا نحن المصريين علي مدي سنوات عدة من فساد النظام الحاكم في مصر وعانينا من الانتقائية في تطبيق القوانين ومورس علي المواطنين أبشع وسائل القهر التي أدت إلي تكميم الأفواه ونشر الرعب بين المواطنين البسطاء والسيطرة علي كافة وسائل الإعلام المرئي والمسموع والمقروء وسيطرة حفنة من رجال أعمال النظام الفاسد علي مقدرات هذا الوطن ، وبقاء عدد كبير من المسئولين المشهورين بفسادهم والذين لا يخشون في الباطل وتجميل النظام الفاسد لومة لائم مستغلين في ذلك كافة وسائل التضليل والخداع ومعتمدين علي آلة النظام القمعية التي أذاقت المصريين كافة صنوف العذاب وهي جهاز أمن الدولة الذي طالت يداه غالبية المواطنين المصريين بلا استثناء واشبعونا اعتقالا وتعذيبا وقتلا مما جعل المطالبة بمحاكمة الفاسدين وحل جهاز مباحث أمن الدولة علي رأس مطالب ثورة 25 يناير * Required الإسم بالكامل * الإسم كما هو مدون على البطاقة الشخصية الرقم القومي أو رقم جواز السفر * البريد الإلكتروني (للتواصل-غير ضروري) وبالتالي فإننا نطالب من جديد بالآتي : أولا :استبعاد كافة أعضاء جهاز أمن الدولة من المشاركة في أية وظائف لها علاقة بالعمل الشرطي، وإشراف القضاء ومنظمات المجتمع المدني المستقلة على جهاز الأمن الوطني لضمان عدم منح أية فرصة لعودة السياسات البائدة في التعامل مع المواطن المصري، ولضمان تطبيق أحكام الدستور المصري وعلي وجه التحديد المواد : 40 ، 41 ،42 ،44، 45 والتي تنص علي : - المواطنون لدي القانون سواء وهم متساوون في الحقوق والواجبات العامة لا تمييز بينهم في ذلك بسبب الجنس أو الأصل أو اللغة أو الدين أو العقيدة - الحرية الشخصية حق طبيعي وهي مصونة لا تمس وفيما عدا حالة التلبس لا يجوز القبض علي أحد أو تفتيشه أو حبسه أو تقييد حريته باي قيد أو منعه من التنقل إلا بأمر تستلزمه ضرورة التحقيق وصيانة أمن المجتمع ويصدر هذا الأمر من القاضي المختص أو النيابة العامة وذلك وفقا لأحكام القانون ويحدد القانون مدة الحبس الاحتياطي - كل مواطن يقبض عليه أو يحبس أو تقيد حريته باي قيد تجب معاملته بما يحفظ عليه كرامة الإنسان ولا يجوز إيذاؤه بدنيا أو معنويا كما لا يجوز حجزه او حبسه في غير الأماكن الخاضعة للقوانين الصادرة بتنظيم السجون - للمساكن حرمة فلا يجوز دخولها ولا تفتيشها إلا بأمر قضائي مسبب وفقا لأحكام القانون - لحياة المواطنين الخاصة حرمة يحميها القانون وللمراسلات البريديه والبرقية والمحادثات التليفونية وغيرها من وسائل الاتصال حرمة وسريتها مكفولة ولا تجوز مصادرتها أو الاطلاع عليها أو رقابتها إلا بأمر قضائي مسبب ولمدة محددة ووفقا لأحكام القانون ولا شك أن مخالفة تلك الأحكام الواردة بالدستور المصري يضع كافة المسئولين عنه تحت طائلة قانون العقوبات بقائمة من التهالم تتضمن علي الأقل ارتكابهم جرائم الاحتجاز بدون وجه حق ، والتعذيب ، وتعطيل تنفيذ القوانين واللوائح ،وهتك العرض ، والقتل ، وإخفاء الأدلة عن العدالة ،وتعريض السلام الجتماعي والوحدة الوطنية للخطر ....... إلخ إن جرائم جهاز أمن الدولة جميعها تستوجب فتح تحقيق جدي فيها والتحفظ علي كافة أعضاء هذا الجهاز بلا استثناء هؤلاء الذين لم يألو جهدا في انزال كافة ألوان العذاب بالمصريين الذين أوقعهم حظهم العثر تحت ايديهم ولم يثبت يوما اعتراضهم علي ما يكلفون به بل وعزلهم جميعا من وظائفهم وعدم توليتهم أية وظائف لها علاقة بأمن وأمان الوطن والمواطنين لثبوت أنهم أخلوا بواجبات وظائفهم وعطلوا تنفيذ القوانين واللوائح وخانوا الأمانة التي كان منوطا بهم أدائها وليس الاكتفاء فقط بحل جهاز مباحث أمن الدولة أو تغيير مسماه بل نريد القضاء نهائيا علي هذا الجهاز واستبعاد كافة أعضائه من المشاركة مستقبلا في أية وظائف لها علاقة بالعمل الشرطي ذلك الجهاز الذي أقل ما يوصف به أنه تنظيم إرهابي وليس مؤسسة وطنية . ثانيا : التحفظ علي كل من رئيس مجلس الشعب السابق فتحي سرور ورئيس مجلس الشوري السابق صفوت الشريف ورئيس ديوان رئيس الجمهورية زكريا عزمي: باعتبارهم المسئولين الرئيسيين عن إفساد الحياة السياسية والحياة البرلمانية في البلاد ومساهمين بشكل رئيسي في حماية رؤوس النظام الفاسد إن لم يكونو منهم بالأساس والذين يشكل تركهم طلقاء خطرا حقيقيا علي استقرار الوطن وأمن المواطنين ولثبوت ضلوعهم في جرائم ضد المواطنين المصريين، خاصة ضد الثوار في يوم 2 فبراير المعروف بالأربعاء الأسود أو "معركة الجمل" هؤلاء الثلاثة الذين ساهموا بشكل أو بآخر في التستر علي الآلاف من وقائع الفساد وعدم احترام أحكام القضاء ومساعدة المفسدين علي الإفلات من العقاب والذينم تشير إليهم اصابع الاتهام في العديد من الحوادث التي تم تدبيرها لإجهاض ثورة 25 يناير والمسئولين لسنوات عديدة عن ثلاثة من أهم المؤسسات في جمهورية مصر العربية ومسئولين سياسيا وإداريا وجنائيا عن كافة وقائع الفساد والاستيلاء علي المال العام التي تمت بداخل تلك المؤسسات ولهم دور لا يخفي علي أحد في افساد الحياة السياسية وااحزبية والبرلمانية في مصر وبناء علي ذلك فإننا نطالب بسرعة التحفظ علي هؤلاء الثلاثة وتكليف الجهات الرقابية بالتحري عن ثرواتهم ومصادر تلك الثروات وفتح الباب للتحقيق في كافة وقائع الفساد التي شاركوا فيها إما مباشرة أو بالتستر علي مرتكبيها. http://tahyyes.blogspot.com/2011/03/blog-post_6090.html Powered by Google Docs

جبهة التهييس الشعبية أكثر المدونات تأثيرا في صناعة الثورة

جبهة التهييس الشعبية أكثر المدونات تأثيرا في صناعة الثورة
علي الرغم من أن المدونات عموما شكلت مركزا فرعيا أو ثانويا للثورة علي الإنترنت‏,‏ فإن مدونة جبهة التهييس الشعبية لصحابتها الشابة نوارة نجم تعد استثناء مقارنة بباقي المدونات التي اهتمت بالثورة‏.

فعند النظر إليها بشكل منفرد نجدها تحقق حضورا له قدر كبير من الندية أمام الكثير. من مجموعات الفيس بوك وحسابات تويتر من حيث التأثير الجماهيري والدور الذي لعبته ولا تزال تلعبه في صناعة الثورة ومتابعتها‏.‏ وقد توصلنا لهذه النتيجة استنادا إلي الأرقام المستخلصة من معايير قياس معامل التأثير‏,‏ وهي أربعة معايير متعارف عليها عالميا‏,‏ وتتضمن عدد زوار المدونة وعدد الروابط الخاصة بها التي قبل أصحاب مواقع ومدونات أخري بإظهارها علي صفحات مواقعهم ومدوناتهم‏,‏ وترتيب المدونة في محركات البحث المتخصصة في تقييم المدونات‏,‏ وفي مقدمتها محرك بحث آيس روكيت الذي استخدم في هذا التحليلن‏,‏ وعدد التدوينات التي ظهرت علي المدونة‏,‏ وعدد التعليقات التي وضعها زوار المدونة علي التدوينات الموجودة بها‏.‏ وفيما يتعلق بالمعيار الأول وهو عدد الزوار احتلت مدونة‏(‏ جبهة التهييس الشعبية‏)‏ المركز الأول بين المدونات الـ‏89‏ ذات العلاقة بالثورة التي تضمنتها عينة التحليل‏,‏ بمعدل زوار بلغ‏110‏ آلاف زائر‏,‏ ومن حيث الترتيب علي محرك بحث أيس روكت جاءت هذه المدونة في المركز الأول وبفارق كبير جدا عما يليها‏,‏ حيث احتلت المركز رقم‏1419‏ في الترتيب العام للمدونات علي مستوي العالم بهذا المحرك‏,‏ في حين أن المدونة المصرية التالية علي هذا المحرك وهي مدونة‏(‏ صوت مصر‏)‏ جاءت في المرتبة رقم‏.19490‏ وفي المعيار الخاص بعدد الروابط التابعة للمدونة التي ظهرت في مواقع أخري جاءت‏(‏ جبهة التهييس الشعبية‏)‏ أيضا في المركز الأول‏,‏ حيث اتضح أن هناك‏28‏ ألفا و‏49‏ موقعا ومدونة أخري يضعون روابط لهذه المدونة علي صفحاتهم‏,‏ وتصدرت‏(‏ جبهة التهييس الشعبية‏)‏ أيضا القائمة في المعيار الخاص بعدد التعليقات المنشورة علي التدوينات‏,‏ حيث بلغ عدد التعليقات علي تدويناتها خلال فترة الرصد‏1763‏ تعليقا‏,‏ والمعيار الوحيد الذي تراجعت فيه‏(‏ جبهة التهييس الشعبية‏)‏ هو معيار عدد التدوينات‏,‏ والذي احتلت فيه المركز السابع‏,‏ وكان المركز الأول فيه من نصيب مدونة‏(‏ الحوادث اليوم‏).‏ الأرقام السابقة تدل علي أن مدونة جبهة التهييس الشعبية أصبحت أمام وسيلة إعلامية لديها‏110‏ آلاف قارئ مستمرين بينهم وبينها قدر من الولاء‏,‏ إضافة إلي جمهور محتمل يتابعها عبر روابطها المنتشرة في المواقع الأخري‏,‏ ويقدر هذا الجمهور بأكثر من‏280‏ ألف شخص‏,‏ ومن ثم تكون الشابة التي أنشات هذه المدونة وشركاؤها ممن يعلقون ويضعون تدويناتهم قد صنعوا مؤسسة إعلامية تتعامل مع جمهور يقترب من الـ‏400‏ ألف شخص‏,‏ وهذا بالضبط ما جعل المدونة تحتل هذه المكانة المتقدمة علي محرك بحث أيس روكيت‏.‏

الباب بتاع ابو الليف (قصه رائعه جدا ... منقوله) - ملتقى المهندسين العرب - أول ملتقى هندسي عربي

بعد أحداث أمن الدولة الأخيرة تذكرت حكاية اتحكتلي سنة 2004 أثرت فيا جداا وحبيت انقلها لكم كما قرأتها في منتدى مع العلم ان أبو الليف المعنى بالقصة مش أبو الليف بتاع خد بالك بركات ده داهية :d الموضوع طويل لكنه يستحق ادعوكم للقراءة ارجوكم ... القصة بدأت عندما كان في موضوع في المنتدى كل واحد يتحدث عن نفسه وباقي أعضاء المنتدى يسألوه بعض الأسئلة ودي كانت الأسئلة اللي اتوجهت لأبو الليف :
]• يوم فى حياتك لا تنساه ؟ : يوم ما خرجت من الباب • أصعب قرار اخدته فى حياتك ؟ : إني مش عايز أخرج من الباب • أهم قرار أخدته فى حياتك ؟ : إني مش عايز أخرج من الباب • متى شعرت ان حياتك تغيرت للاحسن ؟ بعد ما خرجت من الباب وعرفت الدنيا بشكل جديد وبفكر واعي (علي أدي)
وبعد الإلحاح عليه لسرد قصة الباب وتوسط احد اصدقاءه المقربين سرد لنا القصة وهي كما يرويها هو : بصوا يا جماعه الخير أنا زيي زي أي شاب اي نعم أنا أسرتي فقيره ومن قريه بس أنا عايش في القاهره من زمان مع خالي بعد حادث أليم ( مستحيل أتكلم عنه ) وكنت ساكن الأول في منطقة الوايللي في حته إسمها شادر السمك وهناك نشأت علي الأخلاق العاديه والإحترام العادي بالنسبه للصلاه كانت في رمضان بس وبالنسبه للمدارس طبعاً كانت منازل لإني كنت بشتغل كنت بشتغل في مكتب بتاع ميكانيكي كان عامل زي مركز صيانه وأنا كنت ماسك الحسابات وبعدين الراجل ده كان أكتر من أبويا طبعاً بس العيشه كانت صعبه في الوسط ده وبعدين جه عندنا في الورشه واحد شاب عايز يشتغل وكان عنده عرجه في رجليه ودايماً بيلبس بكم كان إسمه ( محصون ) المهم محصون ده مكانش بيكلم حد وكان بيصلي لوحده ومبيرضاش حد يصلي معاه وأنا كنت أيامها بدخن وكان يبصلي أول ما آجي أولع السيجاره بصه تخوفني بس أنا كنت عايش في دور المدير المهم خلي حكاية محصون علي جنب أنا كنت خلصت الثاناويه في الأيام دي ودخلت كلية العلوم وبرضه في الكليه كنت يا دوب السكاشن والإمتحانات وبعدين نقلت السكن في شبرا وسيبت الورشه وكنت شغال في محل بتاع تصوير ورق وبدئت أعرف من شاب هناك يعني إيه الصلاه إسمه طارق وبدئت أول خطوات الإلتزام وبعدين في مره لقيت محصون تخيلوا لقيته مع مين لقيته مع طارق أول ما شافني محصون قام عليا أنا قلت هياخدني بالحضن لكنه قام علي بالضرب المهم الناس حاشت وأنا كنت قاعد أسب وألعن لكن هو كالمعتاد صامت تماما بعدها قعد طارق معايا وقالي إنت تعرف محسن منين قلتله مين محسن قالي إلي قام ضربك قلتله ده إسمه محصون قالي المهم مش مشكله إسمه حكيتله هوو كان شغال معايا في الورشه بس وإحنا لسه قاعدين لقينا عربيه من العربيات الزرقا الكبيره ومحصون أو محسن طالع من الشباك بيقولهم هو ده عليا أنا مع إني مكنتش ملتحي إلا إني لقيت نفسي في العربيه وجوه العربيه مسكني محصون ونزل في ضرب لما هراني (أصل أنا جسمي ضعيف شويه) محصون حتي وهو بيضربني مكانش بيتكلم وأنا بصراحه كنت مبعملش حاجه غير الشتيمه (علي أدي ) المهم وصلنا مكان بعد كده عرفت إنه إنه القسم نزلنا وأنا كنت خلاص متشلفط ومكنتش قادر أمسك نفسي لكن العساكر بتوع مصر بجد بجد العساكر دول (فخر الصناعه المصريه) ضربوني علي أفايا خلوني أمشي غصب عني وأول ما جينا نخش الحجز قولتلهم ما دخلونيش معاه قالولي ليه يا ...................... قلتلهم إن هو إلي ضاربني مسكوه ورزعوه حته علقه وأنا والله كان صعبان عليا يا دوب مقعدناش في الزنزانه ساعه وجه إتنين وأخدونا علي مكتب وقبل ما أخش المكتب غموني ودخلوا محصون قبلي قعدت بره مستني ويارتني ما قعدت بصراحه المواجهه أحسن من الإنتظار ألف مره وأنا بره سمعت محصون بيقول الله أكبر وهو بيصرخ قلت في عقلي الواد ده فاهم إنه في الحرب هيودينا في داهيه يدوب ولسه مكانش قعد عشر دقايق وسمعت أصوات ضرب وتلطيش أقسم بالله إن صوت الأفه لوحده يشيل قلبك من مكانه ولا صوت السريخ المتواصل أتاريهم بيكهربوه العسكري إلي كان واقف معايا بره هو إلي قالي كده المهم خرج محصون أنا كنت سامع صوت حاجه بتتجر ومن تحت الغمامه شايف خط دم في الأرض بس طبعاً كل ده بصراحه وأنا كنت واقف بره بلعن وبسب في اليوم إلي شوفت فيه محصون وإلي إتولدت فيه نادي عليا العسكري يابن .................... أيوه يا بيه خش يا ............... أنا معملتش حاجه يابيه أول ما دخلت قالي إقلع أقلع ياللهوي أقلع إيه هدومك يابن .................... قلعوه بس أنا كنت مصمم أفضل لابس علي الأقل فضلت لابس الغمامه قالي إسمك قلتله سا............ أه أه لسه مكملتش إسمي العسكري رزعني أفه من إياه وده الأفه الوحيد إلي عمري في حياتي ما أنساه قلتله سامح إبن .........إبن ........... إبن ( أنا إلي قعدت أشتم نفسي) لقيت مره واحده كل حاجه بتتهز طبعاً دي كانت الكهرباء المهم يجي ساعه علي ما كنت خلصت بيانات بطاقتي بعد كده قالهم رجعوه بس ودوه عند مصيلحي المهم أنا مكنتش مركز خالص وخرجوني وأنا لابس الغمامه بس وإدوني الهدوم في إيديا ونزلت سلالم كنت حاسس إني في الشارع وكان الجو برد وبالفعل كنا في الجراج بتاع القسم ركبوني عربيه والعسكري قاللي لو فكيت الغمامه هموتك قعدت جوه العربي ماسك الهدوم بحاول ألبس ونمت وصحيت علي أذان الفجر وأنا لسه جوه العربيه المهم أنا مكنتش أعرف التيمم صليت وأنا لغاية دلوقتي مش عارف أنا صليته 4 3 2 1 مش عارف المهم إني صليت المهم أنا كنت لسه متغمي نمت تاني بعد شويه العربيه بتدور وأصوات جنبي والعربيه مشيت وأنا كل ده مكنتش نزلت الغمامه لكن كنت عارف إن ده الضهر لإن الشمس كنت بشوفها بتلمع في أرضية العربيه العربيه وقفت نزلوني وقالولي تجري وتخش الباب إلي أدامك ده قلتلهم شيلوا الغمامه أخدت أفه صح طراااااااااخ طلعت أجري وأنا مش شايف حاجه لغاية طخ خبطت في حيطه سمعتهم بيضحكوا وبينادوا عليا رجعتلهم جري زي ما قالوا وبعدين وقفوا واحد عند الباب يتكلم وأنا أعرف هو فين وأجري أخش الباب وربطوا إيديا ورا ضهري جريت علي الصوت لغاية طخ أنا مش فاكر كام مره لكن أنا في الآخر إكتشفت إن الموضوع ما فيش باب أصلاً دخلت زنزانه في الدور التاني طبعاً كل الأحداث دي يا جماعه وأنا كنت بصرخ وأقول أنا ماليش دعوه أنا جيت غلط المهم في الزنزانه كنت سامع فيها أصوات ناس بتكلم ولقيت واحد منهم فكلي إيدي وفكلي الغمامه كانو تلاته أسمايهم محمود وأيمن و مصيلحي طبعاً ده طلع مصيلحي إلي كانو بيخوفوني بيه المهم يا شباب أنا لقيت مصيلحي ده راجل زي العسل بدؤا يسألوني إنت إيه إلي جابك هنا حكيتلهم قعدوا يضحكوا بعد شويه واحد فيهم إداني شويه بقايا عيش وعليهم حتة بتاعه غريبه كده قاللي إن دي طعميه أكلتها وبعدين علموني الصلاه والتيمم وفهمت إني في المعتقل وعرفت إن التحقيق هنا بيبدء الساعه 2 بليل وبعد ما صلينا العشاء بالظبط بدئت المياه تملي الزنزانه وهما التلاته عادي جداً وبيكملوا كلامهم وكأن ما فيش حاجه عرفت إن ده إسلوب إسمه (غريق في شبر المياه ) فضلنا كده يومين في مياه ومن غير تحقيق بالنسبه للنوم كنا بنسند علي بعض وإحنا واقفين عمري ما أنسي أخر يوم في شبر المياه ده كنت منهار جدا جه الأستاذ مصيلحي (مدرس أول أحياء) وقعد يفهمني وقالي هما بكده بيحاولو يهزونا من جوه لكن إنت لازم تبقي ثابت وقالي إن طول ما في جسمك أثار يبقي مش هيخرجوك وقالي لما تلاقيهم بيريحوك إسبوع من غير تعذيب إعرف إنك هتخرج يومها سألته هما ليه لما بعتوني هنا قالهم ودوه عند مصيلحي قاللي هو بكده صنفك من الإخوان المسلمين في أخر اليوم ده المياه إتسحبت وطلعنا إحنا ألأربعه بره الزنزانه وأخدونا علي سطح المكان وبرضه إقلعوا هدومكم طبعاً أنا قلعت (أصل كنت خايف) قام أستاذ مصيلحي زعق فينا وقال الثبات وبدئت المطحنه فيهم علشان هما مش راضيين يقلعوا كل العساكر سابوني وقعدوا يضربوا فيهم بعصيان بلاستيك غريبة الشكل ويقطعولهم في هدومهم أنا لما لاقيت كده معرفش أخدت القرار ده إزاي بصراحه بس لبست هدومي وقلتلهم يا كفره يا ولاد ال....... .................................................. .................................................. .................................................. ................ بصراحه مبطلتش أشتم حتي وأنا بضرب معرفش الساعه بقت كام لكن نزلنا إحنا الأربعه برضه وغمو عينينا ودخلت التحقيق وأنا كنت تعبان جداً وكان نفسي أنام نيموني علي سرير حديد ساقع أوي وربطوني عليه وكنت هروح في النوم لكن أتاريهم مكهربين السرير وكل شويه يديني صعقه فضلت كده يمكن 100 مره لغاية لما قاللي العسكري بص يا بن ال........................................ هاصلي الفجر وآجي لو لقيتك نايم هموتك طبعاً بعد الكلمه دي نمت وفي الحلم شوفت إني علي سرير أبيض جميل وأستاذ مصيلحي جنبي وقاللي لو صبرت هتكون دي سرايرنا وشوفت محصون قاعد علي جنب بيعيط وبعدين بصيت تاني لقيت أستاذ مصيلحي بيضحك وووووووووو صحيت علي الكهربا بتنخر دماغي المهم بعد عشر دقايق لقيت واحد بيقوله كفايه ونزلوني تاني الزنزانه وكنت أنا أخر واحد أخش الزنزانه المهم إن الموضوع إتكرر بأكتر من سيناريو يوم غريق في شبر مياه ويوم عروسه ويوم شمس الشموسه ويوم البير ويوم الحنفيه ويوم الجردل المهم لكم أن تتخيلوا ماذا يعني كل يوم المهم أنا مضت بيا الأيام طبعاً لا ولاد خالي سألوا عليا ولا أبويا عرف وأنا أظن إنه لو عرف مكانش هيفرق معاه المهم جه اليوم إلي هيخرج فيه أ مصيلحي وكان بقالهم فتره سايبنا من غير ضرب وسمحوا لنا بأكل من بره كانت واللده أ مصيلحي هي إلي بتجيب لنا أحلي أكل شوفته في حياتي وخرج أ مصيلحي وخرج الإتنين التانيين وأنا كنت عارف إني هأقعد أكتر علشان كان في لسه علامات زرقا في وشي وقضيت 5 ايام لوحدي كانوا أصعب من أيام التعذيب كلهم وبعدين إستدعوني للتحقيق وفي التحقيق وانا قاعد كنت سامع نفس حد غيري وغير الظابط وبعدين لقيت الظابط قالي حسين بيقول إنك إلي كنت بتوصله بالقياده عن طريق المكتب بتاعك قلتله مين حسين ده عدد 345678 أفه المهم إتكلم حسين ده تخيلوا طلع محصون وطلع جنبه كمان طارق أنا قعدت أنكر كل علاقتي بيه طبعا أنا كنت سامعه بيضرب زيي والظابط نادي علي العسكري وقاله خرجهم وفضلت لوحدي وأنا مش فاهم حاجه الظابط قالي أنا هاوريك الويل بس لو إتكلمت مش هيبقي فيه حاجه من دي قاللي إنت إتنقلت من داهيه وقعت في داهيه تانيه إنت جيت علي إنك إخوان ودلوقتي تطلع جهاد إنت روحت في داهيه أنا بصراحه كنت منهار أخدني عسكري ونزلني زنزانه تانيه خالص فيها يجي 5 كده وكلهم قاعدين كل واحد لوحده فضلت قاعد فيها 8 أيام اصعب من الأيام إلي كنت قاعدها لوحدي علشان مافيش حد راضي يكلمني واصلاً مكانش في حد بيكلم حد حتي ساعة الأكل كل واحد بياكل لوحده جه عسكري أخدني غماني وقالي الباب طبعا أنا حاولت أرفض لكن مقدرتش لكن كنت سامع أصوات بتضحك نسائيه وكنت حاسس كإن في ناس قاعدين وبيتفرجوا كإنهم بيتفرجوا علي فيلم كوميدي وكان في الحوش ناس غيري كلهم بيلعبوا بيهم نفس اللعبه طبعاً أنا عرفت لإني خبطت في واحد منهم قام الناس إلي بيتفرجوا قعدوا يسقفوا فضلنا مش أقل من 4 ساعات علي كده رجعت علي الزنزانه بس كانت فاضيه ولقيت أكل فأكلت ونمت فحلمت بسيدنا عبد الله بن مسعود (علي فكره أنا عمري ما كنت سمعت عنه أصلاً ) قالي أنا عبد الله بن مسعود وأنا جاي أقولك متخرجش من الباب تاني صحيت وأنا مش فاهم أي حاجه فضلت بعد كده فتره طويله لوحدي لغاية في يوم قالولي في زياره ليك لقيت أستاذ مصيلحي جاي وجايبلي أكل وكتب وقالي إنه قدملي علي الإمتحانات وهتجيلي اللجنه تمتحني هنا جوه وكانت مقابله سريعه بعدها قعدت من غير تعذيب يمكن سنه ونص وخلاص كنت أخدت علي العيشه وكان في عسكري صاحبني كان بيقعد يحكيلي علي الناس بره وعلي الماتشات وعلي مشاكله مع مراته وإستمرت زيارات أ مصيلحي وإستمرت وكأنه أبويا أكل كتب لبس مش عارف هو كان بيصرف عليا ليه لغاية لما في مره جالي وقالي أنا مسافر دوله أوروبيه عرض رائع وإستقرار ودعوه وإداني عنوانه في مصر وقالي أنا سايبلك مع جارنا مفتاح شقه صغيره في بيتنا لما تخرج تقعد فيها رجعت يومها الزنزانه وعيطت عياط لغايه ما أحمد العسكري فتحلي الباب ودخل يهديني ويقولي معلش متزعلش إنت أبوك مات ولا إيه إلي حصل وبعد كده حصل هرج كده جامد في المعتقل كله وخلوني أنضف الزنزانه أتاري ده تفتيش وعدوا علينا بعدها بسبع أيام صحوني بليل وقالي الظابط إحنا هنخرجك بس .................................................. ......... ............................................. . من الآخر كان عايز يشغلني مرشد في الكليه رفضت تاني يوم الصبح كانت لعبة الباب اللعينه تاني
QUOTE • أصعب قرار اخدته فى حياتك ؟ : إني مش عايز أخرج من الباب • أهم قرار أخدته فى حياتك ؟ : إني مش عايز أخرج من الباب
قلتله لأ مش هعمل كده قاللي لأ يا بن .................. قالي لو عرفت تخرج من الباب هنخرجك بجد قلتله ومين قالك إني عايز أخرج (في اللحظه دي جت أدامي صورة سيدنا عبد الله بن مسعوود) ضرب ضرب لمده 10 أيام وأنا مصمم برضه علي عدم الخروج بعدها سابوني إسبوع بس الأكل كان وجبه واحد يومياً وفي يوم الصبح قالولي هتخرج والحمد لله خرجت بس وانا مفتح عيني وشوفت الباب لأول مره في حياتي طلع مش باب ده بالظبط حاجه كده تيجي متر يعني لازم أصلاً تكون موطي يعني مهما عملت عمرك ما كنت هتعدي
QUOTE يوم فى حياتك لا تنساه ؟ : يوم ما خرجت من الباب • متى شعرت ان حياتك تغيرت للاحسن ؟ بعد ما خرجت من الباب وعرفت الدنيا بشكل جديد وبفكر واعي (علي أدي)
لما خرجت من الباب لقيت الدنيا سوده في وشي منوره في فكري طبعاً كل أقاربي مش عايزين يقابلوني روحت علي عنوان أستاذ مصيلحي أخدت من جارهم المفتاح وطلعت كنت مبهدل جامد تخيل نفس الهدوم من ساعة ما إتاخدت بعد شويه الراجل جارهم طلعلي أكل ولقيت في الدولاب هدوم وجواب سايبهولي الأستاذ مصيلحي وبعد يومين طلع جارهم وإداني شنطه فيها فلووووس وقالي دي سايبهالك الأستاذ إتصل بيا قبل ما يمووووووت وقالي .................................................. ..... أنا إتصدمت وبعدين عرفت إنه طلب من جاره إنه يبيع العربيه بتاعته ويديني فلوسها قبل ما يموت بشهر وإن واللدته ماتت قبل ما هو يسافر (علي فكره كنت كل ما بسأله علي واللدته كان بيقولي هي إلي بعتالك الأكل وبتسلم عليك وعايزه تشوفك ) أنا بعد كده مضت بيا الحياه وكملت الكليه وإشتغلت في شركه تجميع أجهزه خلصت قصة أبو الليف وبقى حاجتين الأولى هي تعليق لأبو الليف على قصته وتعليق صديقه على قصته :
وأنا مش عارف بس أنا خلاص بقيت عادي يعني مثلاً لما أشوف حادثه وواحد مكسور أو محروق عادي جدا ممكن أروح أمسكه وأساعده ومن غير ما أكون زعلان أنا مثلاً في مره كان في حادثه علي طريق السويس وكان السواق مكسر وعنده كسر في الجمجمه وعضم رأسه باين ورجليه محشوره بس كان لسه عايش قمت روحت قعدت جنبه علي الأرض مسحت الدم من علي عينيه وقعدت أكلم معاه طلب مني إني أحط راسه علي رجلي حطيتها والدم بينزف بإفترا وقعدنا نتكلم مع بعض وكل الناس إلي تيجي تبص وستفرغ فضلنا نتكلم يجي 10 دقايق وبعدين قالي إقرالي الصمديه علشان أنا هموووت قلتله حاضر ووأنا بقرأها كان هو بيقرأ معايا قال قل هو الله أحد ومات مش عارف حد هيفهمني ولا لأ أنا قصدي إني خلاص مش بقيت أتأثر أنا أصلاً مستغرب لإني مش حكيت حاجه جامده مش عارف يمكن بقيت معقد يمكن خلاص مبقاش عندي إحساس أنا آسف بس دي حقيقتي
لغاية وقتنا الحالي ولسه ما فيش أخبار عن محصون أو محسن او حسين ولغاية دلوقتي مع إن أبو الليف مسامحه لكن أبو الليف نفسه يعرف طب إيه السبب في إلي عمله ده وربنا ينجينا وميحكمش فينا ظالم بجد جزاكم الله خيرا يا أبو سيحه خليت مشاعر الجميع تتحرك أرجوا من الجميع الدعاء لجميع الأسري المسلمين بداية من هنا مصر وحتي غوانتاناموا
الحاجة التانية اللي حابب اختم بيها ,, بعد ما ابو الليف رد هذه القصة المؤثرة ,, جتله فرصة عمل في كندا وقرر انه يهاجر بلا رجعة دون ان يعرف عنه اي أحد أي شيء إلا صديقه المقرب , ده لينك القصة من المنتدى : http://heartsfondofallah.com/ib/inde...showtopic=4788 وده لينك عزمه الهجرة بلا رجعه : http://heartsfondofallah.com/ib/inde...showtopic=5289 وانا بقوله دلوقت مصر حرة مافيش محصون ولا في باب تاني يا أبو الليف
http://www.arab-eng.org/vb/t251860.html

بورصة أسعار تلاوة القران

في أخريات حياة القارىء العملاق المتفرد الشيخ محمد رفعت، أصيب بمرض غامض مما دفع الصحافي الكبير الصاوي محمد إلى اكتتاب الناس لعلاج الشيخ، ولما علم الشيخ أرسل معتذرا شاكرا مبادرة الرجل وكان قد عرض عليه المطرب 'محمد عبد الوهاب' أن يسجِّل له القرآن الكريم كاملاً مقابل أي أجر يطلبه، فاعتذر الشيخ خوفًا من أن يمسَّ أسطوانة القرآن سكران أو جُنُب وأيضا كان الشيخ رفعت يرفض التكسب عن طريق القرآن وعندما دعاه حيدر أباد للسفر إليه بالهند وترتيل القرآن في حفلات يوبيله مقابل 15ألف جنيه .. رفض.. وذات يوم كان الشيخ محمد صديق المنشاوي ـ رحمه الله - يقرأ في مأتم أحد أعيان قنا وفي آخر الليل دس شقيق المتوفي 'بشيء' بجيب الشيخ المنشاوي وانصرف الشيخ دون أن يلقي نظرة على هذا الشيء ولكنه حين وصل إلى منزله اكتشف أن الشيء الذي دسه الرجل في جيبه مليم واحد لا غير، وكان الشيخ يتقاضي جنيها عن كل ليلة وقبل أن يفكر في هذا الذي حدث جاءه الرجل صاحب الليلة معتذراً عما حدث من خطأ شنيع، فقد كان في جيب الرجل جنيه ذهبي ومليم وكان ينوي إعطاءه للشيخ فأخطأ وأعطاه المليم، ولكن الشيخ المنشاوي رفض أن يتقاضى شيئاً فوق المليم. وكان أول أجر تقاضاه الشيخ كامل يوسف البهتيمي الذي توفي عام 1959م كان مبلغ 25 قرشا ببلدته وكان آخر أجر تقاضاه هو مبلغ 60 جنيها عن إحياء حفلة بالقاهرة و150 جنيها خارجها عن الليلة . ماذا عن بورصة التلاوة الآن؟ ـ حساب في البنك: بداية فإن مناقشة قضية أجور قراء كتاب الله العظيم، ليست امتهانا ولا اعتراضا على الأمر، لكنها مناقشة مفتوحة لظاهرة جديدة على أرباب دولة التلاوة، والمعروف أن في مقدمة المشايخ الذين يتقاضون أجرا كبيرا القارىء الإذاعي محمد محمود الطبلاوي، والذي يتقاضى مبلغ 25ألفا في الليلة، والمعروف أن الشيخ الطبلاوي قد وضع لنفسه خطا لا يحيد عنه، فحين يدعى لإحياء سهرة خارج القاهرة، يعتذر في بادىء الأمر، تفاديا للإحراج، فيقول إنه مشغول وان لم يكن مرتبطا بإحياء ليلة في القاهرة ويضطر أصحاب المأتم لتأجيل يوم، مما يدفع الشيخ للموافقة، وعقب الاتفاق إما أن يذهبوا بالمبلغ إلى منزله، وإما أن يودع في حسابه بالبنك، وعندما يصله الإخطار البنكي، يرسل الشيخ قارئا آخر يعطيه ألفي جنيه، ليبدأ التلاوة بالمأتم، لحين وصول الشيخ، الذي يكمل التلاوة من نفس السورة. أما الشيخ حلمي الجمل، فقد قام برفع أجره مرة واحدة من 16ألفا إلى 22 ألفا وطبعا يدفع المبلغ قبل الحضور لإحياء السهرة القرآنية. أما الدكتور أحمد نعينع قارىء رئاسة الجمهورية فقد قفز أجره أيضا من سبعة آلاف إلى خمسة عشر ألفا. كما قام الشيخ محمود صديق المنشاوي هو الآخر رفع أجره من سبعة آلاف إلى 12 أو 15 ألفا، وقد يزيد الأجر في لياليه بالقاهرة حسب حجم 'الزبون' وذلك من خلال معايشة طويلة لقرائنا، خلال رحلة عملي في الصحافة الدينية ـ جريدة 'عقيدتي' وغيرها. حيث يراعي الشيخ المنشاي حالة الداعي، فإن كان سفيرا أو وزيرا أو رجل أعمال، فقد يصل الأجر الى عشرين ألفا. والجدير بالذكر أنه قد ظهر في سوق التلاوة قراء في الآونة الأخيرة الشيخ صديق محمود صديق المنشاوي، نجل الشيخ محمود صديق المنشاوي، ويتقاضى هذا الشيخ الشاب ثمانية آلاف جنيها. - تحت العشرة : والأن نستعرض بعضا ممن يتقاضى أقل من عشرة آلاف جنيها في الليلة وهم ثابتون من عامين تقريبا على نفس المبلغ، من هؤلاء القارىء العملاق راغب مصطفى غلوش الذي يتقاضى سبعة آلاف جنيها، والشيخ عبد العزيز عكاشة يتقاضى ستة آلاف ومثله الشيخ محمدي بحيري عبد الفتاح، ثم تأتي شريحة الخمسة آلاف التي يسكنها المشايخ: محمد أحمد شبيب، محمود ابو الوفا الصعيدي، أحمد أبو المعاطي، محمد عبد الوهاب الطنطاوي، عبد الفتاح الطاروطي، علي محمود فرج، حجاج الهنداوي .. يتلوهم أصحاب الآلاف الأربعة إلى الثلاثة في الليلة الواحدة ومنهم المشايخ القراء: محمد عطية حسب، محمود إسماعيل الشريف، محمد السيد ضيف الى كثيرا ما يلمس رقة حال أسرة المتوفي، وإسماعيل الطنطاوي، السيد متولي عبد العال، سيد أحمد شريف، عبد الله طُبَل، الدكتور فرج الله الشاذلي، محمد احمد البسيوني، عبد الله عزب. ـ فتوى الشعراوي: ويستشهد كثير ممن قرروا رفع أجورهم من نجوم التلاوة بفتوى إمام الدعاة الشيخ الشعراوي، حينما سئل في أوائل الثمانينات عن أجر تلاوة القرآن والمبالغة فيها قال : إن ما يتقاضاه القارىء هو أجر حبس، موضحا للسائل أنه سيجد في بلدته من يقرأ له مقابل عشرة جنيهات فقط، لكنهم يتركونه ويذهبون الى قارىء الإذاعة ليحصل ـ وقتها- على ألف جنيهٍ. من المشايخ من يتعلل في رفع أجره أيضا بحصول الشيخ أنور الشحات أنور ـ أصغر قارىء بالإذاعة ـ على ثمانية آلاف جنيه في الليلة، ويتقاضى شقيقه الأصغر خمسة آلاف رغم صغر سنه ... ومنهم من يقول ـ ولم يشأ ذكر اسمه ـ نحن لسنا أقل من تامر حسني الذي يتقاضى 150 ألف جنيه في الليلة، ويلقبونه فوق ذلك بمطرب الجيل. وإن كنت قد شاهدت بعيني فضيلة الشيخ فتحي المليجي بعد التلاوة يأخذ المبلغ ويضعه في جيبه بدون النظر فيه، فقد علمنا أن الشيخ الطبلاوي تقاضى مؤخرا ثلاثين ألف جنيه في بورسعيد، وتقاضى الشيخ عبد الفتاح الطاروطي سبعة آلاف في قرية برق العز التابعة للسنبلاوين دقهلية، وتقاضى الشيخ حجاج الهنداوي خمسة ألاف وخمسمئة ... كل ذلك وغيره يدفع عشاق ومحاسيب دولة التلاوة يتساءلون : كم كان سيتقاضى محمد رفعت ومصطفى إسماعيل لو عاشوا لهذا الوقت؟

اليوم السابع | ألغاز الجيش

قبل طرح بعض هذه الألغاز التى تحتاج إلى تفسير وشرح من قبل المجلس الأعلى للقوات المسلحة، لابد من إقرار حقيقة أنه لولا أن القوات المسلحة انحازت للثورة والثوار لكان من الصعب أن تنجح، كما أنها حمت البلد بهذا الموقف النبيل من مصير مجهول ربما قد يصل إلى حرب أهلية. لكن هذا الموقف النبيل والعظيم لا يعنى عدم انتقاد قرارات المجلس ولا يعنى عدم مناقشة أدائه.. ولا ينفى أن هناك قلقا شديدا من العديد من المواقف غير المفهومة التى لم يحاول المجلس الأعلى وقياداته شرحها، ولا ينفع فيه هذه البيانات المقتضبة، وإليكم مواقف عندما نضعها بجوار بعضها نتوصل إلى سؤال كبير لا يحتمل أن ننتظر طويلاً حتى نسمع إجابته: 1 - لا أميل إلى نبش جروح ولكنى حتى الآن لم أستطع تفهم الحياد السلبى لقوات الجيش أثناء معركة الجمل، فلا أظن أنه حياد، فقد كان هناك طرف أعزل هم الثوار وطرف مسلح ومُعتدى، وكانت النتيجة قتلى ومصابين، فلماذا لم تتدخل القوات الموجودة كما فعلت فيما بعد وفصلت بين المعتدى والضحايا ؟! 2- بالطبع أنا ضد أى انتهاك للقانون تحت أى مبرر، ولكن فى ذات الوقت لا يمكن تفهم العنف المفرط واستخدام الرصاص الحى ضد مواطنين عُزل فى دير الأنبا بيشوى فى وادى النطرون. وتوجد فيديوهات على اليوتيوب كما كتبت من قبل توضح أن هناك إطلاق رصاص، وهناك إصابات، كما أن هناك تقريرا طبيا من مستشفى السادات. ألم تكن هناك طريقة أخرى للتعامل مع الموقف؟! 3- يعرف الكثيرون أنه منذ تنحى الرئيس مبارك وهناك حالات اعتقال بذات الطريقة القديمة رغم وعود قادة الجيش بالعكس منذ بيانهم الأول.. أليس هذا غريباً؟! 4- ما حدث ليلة الجمعة الماضية فى ميدان التحرير مأساوى، فهناك اعتداءات لا تقل وحشية عن الاعتداءات التى كانت تقوم بها وزارة الداخلية ضد الثوار فى عهد الرئيس السابق، والغريب أن بيان القوات المسلحة يقول نفس حجج حبيب العادلى وزير الداخلية السابق حول القلة المندسة والبلطجية .. إلخ.. ألم تتغير البلد؟! 5- لماذا تعيين قائد عسكرى لإدارة اتحاد الإذاعة والتليفزيون.. هل تخلو مصر من كفاءات إعلامية بارزة؟!6 - السؤال الكبير هو اختيار المستشار طارق البشرى رئيساً للجنة تعديل الدستور وهو مناصر للدولة الدينية على طريقة الإخوان، وهذه آراء منشورة ومكتوبة. أضف أيضا أن يكون أحد أعضاء اللجنة عضو منظم فى جماعة الإخوان، فى حين تخلو اللجنة من أى تمثيل لباقى القوى السياسية، بما فيها جماعات الثوار.. فلماذا تم اختيار لجنة بهذه الطريقة، فى حين أن قادة المجلس العسكرى ينفون تماماً أن لهم توجهات سياسية؟! 7- لماذا تم الحفاظ على الصلاحيات شبه الإلهية للرئيس فى الدستور ولماذا لم تشمله التعديلات؟! بالطبع هناك أسئلة أخرى، ولكنى أتصور أن هذه هى الأكثر إلحاحاً وتحتاج إلى إجابات.
اليوم السابع | ألغاز الجيش