ماهى كانت قدامكم ماغتصبتوهاش ليه

لا اكاد امنع اعجابي الشديد بهذه المدونة الرائعة مستشفى العقلاء ، اقتبس منها اليوم  هذه القصة الرائعة .
كان فى حاج ومراته الحاجة، وفى يوم الحاجة قالت للحاج: الهى يسترك ياحج انا ماخرجتش بقالى عشرين سنة. فقالها: اؤمرى ياحاجة عايزة ايه. فقالت له: نفسي اخرج معاك نتفسح ونشم هوا.
فقالها: وربنا كلامك اوامر ابشرى يوم الخميس الجاى هاخدك ونتفسح وعلى فكرة فيه مطعم جديد فتح فى اخر الشارع هاخدك ونروح نتعشي فيه.
فقالت له: روح الهى يسترك وجه يوم الخميس ولبس الحاج الحتة الزفرة ولبست الحجة احلى الثياب وراحوا المطعم وبمجرد دخولهم المطعم نظر الحاج حوله.
وقال للحاجة: بقولك ايه المطعم ده شكله غالى جدااا فانا رائي نطلب اتنين شاى ونقعد نضحك وننبسط واخر السهرة نشترى من الجزار حتة كبدة وشوية تحابيش ونروح نتعشي فى البيت.
فقالت له: ومالوا ياخويا احسن برضه المهم اشم هوا وفعلا طلبوا اتنين شاى وقعدوا يفتكروا ذكريات زمان ويضحكوا وقضوا وقت جميل جدا.
واخر الليل شاور الحاج (الجرسون) لمعرفة الحساب وقاله: الحساب لو سمحت فجابله الحساب فبص الحاج فى الورقة لقى الحساب 450 جنية فجاتله صدمة ونده على (الجرسون).
وقاله: وهو متعصب ايه ده يابنى هو الشاى عندكم بكام.
فقاله: 25 جنية.
 فقاله ماشى حلو قوى يبقى الحساب 50 جنية يبقى الباقى ده ايه.
فقاله (الجرسون): فيه 200 جنية للفقرة الفنية فقاله فرقة فنية ايه يابنى احنا ماشفناش فقرات فنية.
وبص للحاجة وسالها: انتى شفتى فقرات فنية ياحاجة فحلفت الحاجة وقالت والله العظيم ماشفت حاجة.
فأشار (الجرسون) الى صالة كبيرة فى نهاية المطعم وقال للحاج: شايف الصالة الكبيرة دى ال هناك ؟ دى فيها الفقرات الفنية شغاله من الصبح.
فالحاج قاله: بس احنا ماشفنهاش.
فقاله (الجرسون): ماهى كانت قدامك مارحتش تشوفها ليه.
فقاله: ماشي يبقى 250 جنية.
فرد (الجرسون) وقال: وفيه 200 جنية (اوبن بوفيه).
فرد الحاج وقاله: بالله العظيم يا ابني ماشفنا اى (اوبن بوفيه).
وبص للحاجة وقالها: انتى شفتى (اوبن بوفيه) ياحاجة.
فردت وقالت: بالله العظيم ماشفت اى (اوبن بوفيه).
فأشار (الجرسون) الى صالة اخرى بجانب الصالة الاولى وقالهم شايفين الصالة الكبيرة دى ال هناك دى مليانة بوفيهات مفتوحة فيها اكل من جميع انحاء العالم.
فرد الحاج وقاله بس احنا ماكلناش حاجة يا ابني.
 فرد (الجرسون) وقاله: ماهى كانت قدامكم ماكلتوش ليه.
فهز الحاج راسه وقال للمتر ماشي واخرج من جيبه خمسين جنية وحطهم على الطاولة.
فرد (الجرسون) وقاله ناقص 400 جنية يافندم.
 فقاله الحاج: دول حق ما اغتصبتوا الحجة فرد (الجرسون)
فقاله (الجرسون): بس احنا ماغتصبناش الحجة.

فرد الحاج وقاله: ماهى كانت قدامكم ماغتصبتوهاش ليه.

No comments: